祭文
今天是民國101年9月20日（農曆8月初5），您的子孫跪在您的靈前，以鮮花、素果向您祭拜；雖然阮櫳知影「您在生的時袸做眾多的好心、眾多的好事，您已經得到福報：跟隨三重奉天宮二媽祖的帶領到天頂修行」
阮麻知影：按這袸開始，阮定要失去您，永遠離開您的身邊，無您的日子，阮是「有手伸無路、有腳行無步」。阮的心，像刀刮、像針燰，是痛、是苦、是肝腸寸斷，阮有很多很多的話要對您講，不過「嘴未開、喉先溢、目屎淌目墘」
親愛的媽媽
三年前，咱們做伙送阮的爸爸去天頂做仙，阮知影您很甘苦，您忍著心中的痛，輕輕對阮講「我跟您的爸爸生活80年、80年」那時袸，阮麻忍著心中的痛，請媽媽您放下，阮會認真打拼做您的好子。其實，阮櫳知影，這三年您過得足甘苦，因為您和阮爸爸是全世界最恩愛的尪某。
親愛的媽媽
您是阿公阿嬤的好媳婦，您講過「父母疼子長流水、子孝父母樹尾風」有孝父母要即時，千萬勿通後悔遲。
親愛的媽媽
您是天底下最好的媽媽，日頭下、田中央、雖然汗水含著沙，您麻按透早做到日落山，驚阮肚子餓、驚阮受風寒。
用您的手抱阮金金惜，望阮一暝大一尺，牽阮的手一步一步行，叫阮大漢著愛認真閣打拼。
您的手，為了晟阮大漢，幼秀變成皺紋，您一點也不陣聞，您的手，摸著阮身軀，永遠櫳是這麼溫柔。
每一次回去咱家，遠遠就看到您站在店子口，阮就暗暗目屎流，因為阮看到您一年一年老，阮竟無法度住在您的身軀邊，ㄍㄚˇ 您有孝。
親愛的媽媽
阮真正足福氣，會凍作您的子孫，為了阮，害您受風受雨，失去青春，您麻無怨無恨、為了阮，害您受盡苦楚加風霜，害您的烏頭鬃變成白頭毛，因為您時時刻刻都在為阮打算。
您關心阿織、阿秀加阿猛，叫他們的心情著愛放乎開，您講：他們三個人真正福氣，教出來的子女，櫳真乖、真識代誌、
您關心水錦，透早賣早頓、下埔作田園，身體愛顧才會長，佳在秋華住在厝，會做又會煮，希望天公疼憨牛，賜咱有一個快樂的家ㄊㄤㄎㄨˇ。
您關心您的三個兒子，您叫阮三兄弟愛和，才不會乎人看無；兄弟著愛親，千斤萬斤的擔頭麻也變輕，您講：「一枝草一點露，天無絕人之路」，教阮出門做代誌「勤儉恰有底、浪費是不成家」，作人著愛「人情留一線、日後好相看」
親愛的媽媽
您是三個媳婦尚尊敬的好當家，您時時刻刻櫳是擔心他們的身體，您常常講「媳婦是親家親母的心肝寶貝，嫁來咱家有緣跟咱作夥，替咱教子又持家，在厝內款東款西，要做的代誌真正多，實在是辛苦又賢慧，定要好好照顧身體」
親愛的媽媽
您是您的孫子心目中慈祥的阿嬤，您叫他們要認真讀冊，以後才會出頭天，您講「甘願做牛不經無犁通拖；甘願做馬免驚無田好犁」您叫他們要有孝父母，不通「父母飼子不論飯、子飼父母就算頓」
親愛的媽媽，您的教示阮不會忘記，您的笑容是阮永遠的記憶，您的恩情卡大天。希望阮有福分，永遠做您的子孫。
親愛的媽媽，您的慈悲、您的愛感動天，您的福報會當跟隨媽祖到天頂修行，阮要作夥「乎請媽祖，帶領媽媽，一路好走」親愛的媽媽！請您跟隨媽祖、一路好走。
留言列表
